Makholwa Anongikhumbuza

Ma ngikhohlwa, ningathuki anongikhumbuza.

Ma ngilova, ningathuli anobuza.

Ma ngiphambuka, ningesabi anongikhuza.

… … … 

Nginokubuye ngehluleke ukubekezela

Ngifune izinto zami zisheshe zihleleke

Kungaze kuhlwe, maphupho fezeka.

Mhlampe kungabangcono mangizibambele, 

Makholwa anongikhumbuza sengazinikela, 

Wonke lamaphupho asagcwaliseka, afezeka 

Esphambanweni mhla bembethela, wayengihlelela

Amasango ezulu avuleka, ngamukeleka

Kuphelele, asisekho isidingo sokukhathazeka, nokuzithwalela.

… … …

Nginokubuye nginqene ngeSont’ekseni ukuhlanganyela.

Makubanda akuvukeki engathi ngingazilalela

Kuyazifanela, maseshumayela ngiyaboreka

Nakusasa ekuseni, nakhona ngisayongena.

Makholwa, mangilova ningathuli anobuza 

Lingakashoni anongikhumbula, anongidonsa

Ongenabani ochanasayo, ozenzel’ umathanda

Ma ningithanda anolula isandla, anongikhuthaza 

Kulomzimba nami ngimelwe ukubamba iqhaza

… … … 

Nginokubuye ngilutheke, ubungcwele ngibulahle

Ngithuke sengisha, asavutha lamalahle, 

Nezilonda zobusha azipholi nakahle.

Kwaze kwabiza ebusheni ukuziphatha kahle. 

Makholwa, anongihlalisa phansi, ningikhuze.

Manginqaba, ningincenge ningikhumbuze

Manginihlula,ningayeki, anoqhubeka nithandaze

IZwi lakhe alibuyi lilambatha, lihamba ze.

Anongilwela, ngingaze ngihlwelwe kulamakhaza.