Igama Lakhe Malingcweliswe

Igama lakhe inkathi edlule, nekhona nezayo.

Ukuguquka kwazo inzinkathi zonyaka

Kusuka lithwasa ihlobo kuye eNkwindla.

 Izethembiso zakudala, nokufezeka kwazo endulo.

Imiphumela yazo namuhla eletha  ithemba elisha lakusasa.

Igama lakhe, u-Nguye!

Izolo, namuhla, kusasa, naphakade.

Ukugcwala kwesikhathi, izinti zewashi zime ngohlangothi.

Ngokuhamba kwesikhathi awethu amagama asithela ngokuvela.

Ngelakhe igama nangaphezu komkhathi isikhathi siyavela.

Akaphili esikhathini, elakhe igazi liphuma ohlangothini.

Iminyaka owesifazane esesikhathini,

Ngokuthinta umphetho wengubo yakhe esixukwini

Ukufa egazini lakhe kwaphelelwa isikhathi

Ngoba umthetho wokufa usesikhathi

Ngaphandle kwaso kuphelelwa ubuthi

Yingakho futhi

Abakuye egameni benokuphila kwafuthi.

Ngakho masingakhali bazalwane, 

Masingcwelise igama lakhe.

Ngoba ekufeni nasekuphileni, 

Uma sikholwa egameni lakhe, 

Ezulwini elingenasikhathi sobonana futhi.