Khetha Kahle

UNkulunkulu uyazambula

Imvelo iyamfakazela

Izwi lakhe liyanezela

Abantu ngokukholwa uyabahlenga

Ngokubanikezela uyabahlulela

Sonke siyazibethela, indlela siyazikhethela

Ngakhoke:

Khetha kahle ngokubheka kade

Umhla wokuphela usondele

Imihla yokuphila ifinqiwe

Ukufa kwesibili kusilindele

Khetha kahle ngokubheka umkhathi

Kuningi esigakwazi

Ulwazi lubanzi

Ngeke konke ukwazi

Khetha kahle ngokuzibheka phakathi

Kuningi okubucayi

Impilo isibani

Ungadlaleli ngas' emoyeni

Khetha kahle ngokubheka isiphambano

Kuningi okudidayo

Kunye okusizayo

Kholwa kuye ozayo!

Khetha kahle ngokubheka phezulu

Lingakadum' izulu

Hlukana nezixuku

Buyela ekhaya kuNkulunkulu