Uhambo (Pilgrimage)

Isiqalo sendlela kwabahambayo;

Ukufiphala kwelanga ezintabeni.

Kumnikazi wohambo;

Ukuhlehla kwalo malivumela ubumnyama.

Kum’hambi wendlela, ubumnyama isinengiso.

Kwabaqonda uhambo; Ubumnyama bufana nom’buzo;

Akukho ukuphendula ngaphandle kwawo,

Ngaphandle kwabo, akukho ukuphenduka.

Sihamba emeveni, Olukamabuyaze uhambo

Uma singaphendukeli kumnikazi wohambo.

Ubumnyama kusithwalisa inyanda ehlane

Impilo bese siyikala ngesisindo semithwalo.

Kanti imithwalo inethunzi elibi lokufa

Ukuphila kwayo ehlane kuyakhokhelwa.

Ehlane, imithwalo nemishwayilense;

Umufi nomufi ithuna lakhe uyazimbela.

Kuloluhambo, indlela inokwehlela noma kukhuphukela;

Kuphela nje uma singasindelwa.

Bathi myekeni uxam' akavinjelwa

Noma yini ayifunayo uyazitholela

Inqubo nje uma engaphelelanga ejele,

Kodwa beliyini ijele ehlane,

Ngoba sonke nkosiyenkantolo,

Uma kungekho okhomba indlela siyefana.

Ukuqonda lokhu ohambweni, kuwukuphila.

Kufana nocwezu emathunjini esisu somhambi

Usuthiswa izwi elilodwa lomnikazi wendlela

Ngaphezu kwezinkulungwane zamaqebelengwane.