UJesu: UNkulunkulu enyameni
Emlandweni wonke, ngesikhathi sikaJesu ngisho engasekho emhlabeni lenkulumo mpikiswano isavutha umlilo: ubuNkulunkulu bukaJesu Khristu. Amaqembu amaningi ayakuphika lokhu, kusukela kumasulumane (athi uJesu wayengumphrofethi) kuye kofakazi bakaJehova (abaqinisekisa ukuthi akalingani noNkulunkulu). Kepha ibhayibheli lifundisa ngokuqondile ukuthi uJesu unguNkulunkulu.
Engikuqondile lapha ngukuveza ngokukhulumisa ibhayibheli kulokhu. Kungabe lithini izwi likaNkulunkulu kulokhu?
Ithestamente elidala lakhuluma ngoMesiya obezakuza ukuthi unguNkulunkulu.
Isaiah 9:6
“Ngokuba sizalelwa umntwana, siphiwa indodana; umbuso uyakuba semahlombe akhe, negama lakhe liyakuthiwa uMluleki omangalisayo, uNkulunkulu onamandla, uYise ongunaphakade, iNkosi yokuthula.”
NgokukaMathewu 1:23
“Bheka, intombi iyakukhulelwa, izale indodana; bayakuyiqamba igama lokuthi u-Emanuweli,” okungukuthi ngokuhunyushwa “uNkulunkulu unathi”.
UJesu waveza ukuthi uvela ezulwini.
NgokukaJohane 6:62
“Pho, uma nibona iNdodana yomuntu yenyukela lapho yayikhona kuqala, niyakuthini na?”
NgokukaJohane 8:23
“Uma umuntu amukela ukusoka ngesabatha ukuze kungeqiwa umthetho kaMose, pho, ningithukuthelela ngokuba ngaphulukisa umuntu ngokuphelele ngesabatha na?”
NgokukaJohane 16:28
“Ngavela kuBaba, ngeza ezweni; ngiyalishiya futhi izwe, ngibuyela kuBaba.”
NgokukaJohane 17:5
“Manje-ke ngikhazimulise wena Baba, kuwe uqobo, ngenkazimulo ebenginayo ngikuwe, izwe lingakabikho.”
UJesu unegunya lokuthethelela izono
NgokukaMarkhu 2: 5-11
UJesu ebona ukukholwa kwabo wathi kofe uhlangothi: “Ndodana, uthethelelwe izono zakho.”
“Kepha kwakukhona ababhali abathile behlezi khona, bezindla ezinhliziyweni zabo ngokuthi: 7 “Lo ukhulumelani kanje na? Uyahlambalaza. Ngubani ongathethelela izono, kungeyena uNkulunkulu yedwa na?”
8UJesu ekwazi masinyane emoyeni wakhe ukuthi bazindla kanjalo phakathi kwabo, wathi kubo: “Nizindlelani ngalokhu ezinhliziyweni zenu na? 9Yikuphi okulula ukuthi kofe uhlangothi: ‘Uthethelelwe izono zakho,’ noma ukuthi: ‘Vuka, uthathe uhlaka lwakho, uhambe,’ na? 10Kepha ukuze nazi ukuthi iNdodana yomuntu inamandla emhlabeni okuthethelela izono” – wathi kofe uhlangothi – 11“ngithi kuwe: Vuka, uthathe uhlaka lwakho, uye endlini yakho.”
UJesu wazibiza ngokuthi “Nginguye”, njongokusho kwethestamente elidala kuYaweh ezisho yena uNkulunkulu.
NgokukaJohane 8:58
“UJesu wathi kubo: “Ngiqinisile, ngiqinisile ngithi kini: Engakabikho u-Abrahama, ngangikhona mina.”
NgokukaJohane 6:51
“Mina ngiyisinkwa esiphilayo esehla ezulwini. Uma umuntu edla lesi sinkwa, uyakuphila phakade; futhi-ke isinkwa engizakusinikela ngenxa yokuphila kwezwe siyinyama yami.”
NgokukaJohane 10:9,11
“Mina ngiyisango; uma umuntu engena ngami, uyakusindiswa, angene, aphume, afumane idlelo. “Ngingumalusi omuhle. Umalusi omuhle udela ukuphila kwakhe ngenxa yezimvu.”
NgokukaJohane 11:25
“UJesu wathi kuye: “Mina ngingukuvuka nokuphila; okholwa yimi, noma efa, wophila.”
NgokukaJohane 14:6
“UJesu wathi kuye: “Mina ngiyindlela, neqiniso, nokuphila; akakho oza kuBaba ngaphandle kwami.”
Uyabona uma sifunda ibhayibheli, sishiyeka nenqwaba yeqiniso eliveza ukuthi uJesu unguNkulunkulu. Ngakho-ke kumele sikhethe ukuthi siyalicindezela iqiniso ngokungalungi (njengokuba sibona kwincwadi yabaseRoma) noma siyaphenduka sikholwe kuJesu Khristu kube ngukuxolelwa kwezono nokubuyiselwa kobudlelwane noNKulunkulu ophilayo.
Lapha ngicabanga ukuthi amazwi ka C.S Lewis aveza isexwayiso uma ethi:
“Ngikulungele ukwamukela uJesu njengomfundisi wokuziphatha kahle kodwa angikwazi ukumamukela uma ethi unguNkulunkulu. Lena yinto ekungamele siyisho nakanye. Indoda eyayingumuntu nje esho zonke lezinto ezashiwo nguJesu angeke ibe ngumfundisi wokuziphatha… kumele ukhethe, ukuthi lendoda iyindodana kaNkulunkulu: noma umuntu ohlanyayo uma kungesikho okungaphezu kokuhlanya. Ungamthulisa uthi yisilima… noma uguqe ezinyaweni zakhe uthi uyinkosi uNkulunkulu, Kepha asingezi nemsangano efana nokuthi wayengumfundisi oneqhaza. Lokho akakushiyelanga kithi.”
Uma ungothemba kuJesu Khristu njengenkosi uNkulunkulu, ake udlinze ngaleliqiniso osulizwile lapha. Ngithandazela ukuthi lokhu kukuphe umdlandla nesibindi sokushumayela izindaba ezimnandi zikaJesu Khristu. Indodana kaNkulunkulu iza enyameni ukuhlenga nokubuyisela ubudlelwane bakho noNkulunkulu umdali.
